وصف/أمل سرور
نقشها تحفة ربانى، وعجنها لوحة إبداعى،
وخَبزّها زهرة نورانى.
بناها وقال عمار وبدا للحضارة مشوار..
سبع آلاف عام واحنا بنحكى ونتحاكى عن الأهرامات الثلاثة.. أصل الفراعنة كانوا جبابرة.
هنلف وندور.. هنوصف ونقول.. من شرقها لغربها هنجوب.. ومن شمالها لجنوبها هنرحل ونفوت. هنسمع بشرها وننقل نبض حجرها.. حكاوى وحواديت.. حوارى وحوانيت.. قصور وقبور.. عادات وتقاليد.. قديم وجديد.
من الجلف الكبير والوادى الجديد تبدأ رحلة التاريخ المديد.. المصرى القديم فى صخر بطن الجبل هتلاقيه.. فى أبو سمبل رفع معابد.. وفى الأقصر شيد للملوك وادى.. وعمر قصور فى أسوان لنجع حمادى.
ومن حلايب لرأس غارب، ومن رأس البر لجبل الشايب رسم حدوتة عشق للحبايب. الله عليك يا موج البحر لما تحضن مدنك زى العاشق الدايب، من مرسى علم للغردقة وسفاجة دى بلاد تشوف فيها العجايب، ومن شرم الشيخ للعريش وطابا بجمالها اللى ما ينتهيش ومن الطور للقنطرة تلاقى سينا منورة بنور ربانى فى واديها المقدس طوى، ومن السويس لبورفؤاد والإسماعيلية لحد دمياط لبورسعيد ورشيد مية زرقا وجنية لابسة فستانها الأبيض زى العروسة فى يوم العيد.
المزيد
كلنا مع أبطال حزب الغد
ربما ظن البعض شذوذ التصريح الأخير لأمين لجنة السياسات , الذي يلوم فيه قوى المجتمع المصري المعارضة قائلاً :
إحتفل كثير من المصريين _ إمبارح- بعيد راس السنة المصرية 6250 :
سلم لي ع البطيخ * يا للّي ملكش تاريخ
