إحتفل كثير من المصريين _ إمبارح- بعيد راس السنة المصرية 6250 :

في البيوت

على النت

رغم إلغاء الحفلة , بإجبار فندق الماسة على الإعتذار عن إستضافتها , وقبلها أمر مركز المؤتمرات بالتراجع عن التعاقد .

تفتكروا مين هي الجهة اللي تقدر في مصر , تأمر مركز المؤتمرات وفندق الماسة التابع للقوات المسلحة بإلغاء إحتفالية مصرية ؟؟؟

سؤال تاني : ليه الجهة اللي زعلانة من الإحتفالات والأعياد المصرية , دي , بتدي فرصة واحدة بس , وبعد كده ممنوع ؟؟؟  يعني إحتفلنا بعيد راس السنة المصرية 6249 السنة اللي فاتت في القرية الفرعونية , من غير ما يحصل أي مشاكل , طيب تكرار المناسبة دي خطر ليه ؟؟؟

واحد قال لي , كان لازم تخلي الحزب الوطني يرعى الإحتفالية دي عشان تستمر !!!

واحد تاني قال لي : المخابرات السعودية , عندها جهات مسئولة عن نشر الفكر الوهابي , وهي بتعمل كل حاجة بنفوذها وفلوسها عشان تمنع المصريين والفرعونييين !!!

وواحد قال , وواحد عاد , كلها تخمينات : في دولة ضبابية , بلا إنتماء واضح , ولا فكر سياسي أو إقتصادي معروف , عشوائية في كل شئ , من نظام الحكم لتعديلات الدستور , لرئاسة الدولة والوزارة والبرلمان , حتى السياحة والثقافة والحفلات !!!